૩. માતુગામસુત્તં

૨૧૩. ‘‘દસહિ, ભિક્ખવે, ધમ્મેહિ સમન્નાગતો માતુગામો યથાભતં નિક્ખિત્તો એવં નિરયે. કતમેહિ દસહિ? પાણાતિપાતી હોતિ…પે… અદિન્નાદાયી હોતિ… કામેસુમિચ્છાચારી હોતિ… મુસાવાદી હોતિ… પિસુણવાચો હોતિ… ફરુસવાચો હોતિ… સમ્ફપ્પલાપી હોતિ… અભિજ્ઝાલુ હોતિ… બ્યાપન્નચિત્તો હોતિ… મિચ્છાદિટ્ઠિકો હોતિ…. ઇમેહિ ખો, ભિક્ખવે, દસહિ ધમ્મેહિ સમન્નાગતો માતુગામો યથાભતં નિક્ખિત્તો એવં નિરયે.

‘‘દસહિ, ભિક્ખવે, ધમ્મેહિ સમન્નાગતો માતુગામો યથાભતં નિક્ખિત્તો એવં સગ્ગે. કતમેહિ દસહિ? પાણાતિપાતા પટિવિરતો હોતિ…પે… અદિન્નાદાના પટિવિરતો હોતિ… કામેસુમિચ્છાચારા પટિવિરતો હોતિ… મુસાવાદા પટિવિરતો હોતિ… પિસુણાય વાચાય પટિવિરતો હોતિ… ફરુસાય વાચાય પટિવિરતો હોતિ… સમ્ફપ્પલાપા પટિવિરતો હોતિ… અનભિજ્ઝાલુ હોતિ… અબ્યાપન્નચિત્તો હોતિ… સમ્માદિટ્ઠિકો હોતિ… ઇમેહિ ખો, ભિક્ખવે, દસહિ ધમ્મેહિ સમન્નાગતો માતુગામો યથાભતં નિક્ખિત્તો એવં સગ્ગે’’તિ. તતિયં.