६. अधिकरणवारो

१९८. मेथुनं धम्मं पटिसेवनपच्चया आपत्तियो चतुन्नं अधिकरणानं कतमं अधिकरणं? मेथुनं धम्मं पटिसेवनपच्चया आपत्तियो चतुन्नं अधिकरणानं आपत्ताधिकरणं…पे….

अनादरियं पटिच्च उदके उच्चारं वा पस्सावं वा खेळं वा करणपच्चया आपत्ति चतुन्नं अधिकरणानं कतमं अधिकरणं? अनादरियं पटिच्च उदके उच्चारं वा पस्सावं वा खेळं वा करणपच्चया आपत्ति चतुन्नं अधिकरणानं आपत्ताधिकरणं.

अधिकरणवारो निट्ठितो छट्ठो.