१३८. गन्तब्बवारो

२३२. गन्तब्बो, भिक्खवे, तदहु पवारणाय सभिक्खुका आवासा सभिक्खुको आवासो, यत्थस्सु भिक्खू समानसंवासका, यं जञ्ञा ‘‘सक्कोमि अज्जेव गन्तु’’न्ति. गन्तब्बो, भिक्खवे, तदहु पवारणाय सभिक्खुका आवासा सभिक्खुको अनावासो…पे… सभिक्खुको आवासो वा अनावासो वा, यत्थस्सु भिक्खू समानसंवासका, यं जञ्ञा ‘‘सक्कोमि अज्जेव गन्तु’’न्ति.

गन्तब्बो, भिक्खवे, तदहु पवारणाय सभिक्खुका अनावासा सभिक्खुको आवासो…पे… सभिक्खुको अनावासो…पे… सभिक्खुको आवासो वा अनावासो वा, यत्थस्सु भिक्खू समानसंवासका, यं जञ्ञा ‘‘सक्कोमि अज्जेव गन्तु’’न्ति.

गन्तब्बो, भिक्खवे, तदहु पवारणाय सभिक्खुका आवासा वा अनावासा वा सभिक्खुको

आवासो…पे… सभिक्खुको अनावासो…पे… सभिक्खुको आवासो वा अनावासो वा, यत्थस्सु भिक्खू समानसंवासका, यं जञ्ञा ‘‘सक्कोमि अज्जेव गन्तु’’न्ति.

गन्तब्बवारो निट्ठितो.