२८०. तस्सुद्दानं

कोसम्बियं जिनवरो, विवादापत्तिदस्सने;

नुक्खिपेय्य यस्मिं तस्मिं, सद्धायापत्ति देसये.

अन्तोसीमायं तत्थेव, बालकञ्चेव वंसदा;

पालिलेय्या च सावत्थि, सारिपुत्तो च कोलितो.

महाकस्सपकच्चाना, कोट्ठिको कप्पिनेन च;

महाचुन्दो च अनुरुद्धो, रेवतो उपालि चुभो.

आनन्दो राहुलो चेव, गोतमीनाथपिण्डिको;

सेनासनं विवित्तञ्च, आमिसं समकम्पि च.

न केहि छन्दो दातब्बो, उपालिपरिपुच्छितो;

अनानुवज्जो सीलेन, सामग्गी जिनसासनेति.

कोसम्बकक्खन्धको निट्ठितो.