५. पञ्चकनिद्देसवण्णना

१९१. यथा तेसु पटिपज्जितब्बन्ति तेसु पञ्चसु पुग्गलेसु यथारहं उपमेय्योपमादस्सनमुखेन हितूपदेसपटिपत्तिया यथा अञ्ञेहि पटिपज्जितब्बन्ति अत्थो. किरियावाची आरम्भ-सद्दो अधिप्पेतो, न ‘‘आरम्भकत्तुस्स कसावपुच्छा’’तिआदीसु विय धम्मवाचीति आह ‘‘आरम्भकिरियावाचको सद्दो’’ति. ‘‘निरुज्झन्ती’’ति वुत्तत्ता ‘‘मग्गकिच्चवसेना’’ति वुत्तं.

१९२. गहणं ‘‘एवमेत’’न्ति सम्पटिच्छनं.

१९९. न एवं सम्बन्धो असमानजातिकत्ता.