२. अन्धकारवग्गो

१. पठमादिसिक्खापदवण्णना

८४१. दुतियवग्गस्स पठमे दाने वाति दाननिमित्तं. रत्तन्धकारे पुरिसस्स हत्थपासे ठानादि, रहोपेक्खा, सहायाभावोति तीणि अङ्गानि.

८४२-८५०. दुतियादीनि उत्तानानि.

८५४. पञ्चमे पल्लङ्कस्स अनोकासेति ऊरुबद्धासनस्स अप्पहोनके. पुरेभत्तं अन्तरघरे पल्लङ्कप्पहोनकासने निसज्जा, अननुञ्ञातकारणा अनापुच्छा वुत्तपरिच्छेदातिक्कमोति द्वे अङ्गानि.

८६०-८७९. छट्ठादीनि उत्तानानि.

निट्ठितो अन्धकारवग्गो दुतियो.