६. छट्ठसङ्घादिसेससिक्खापदवण्णना

७०५. छट्ठे पटिग्गहो तेन न विज्जतीति तेनेव ‘‘न देती’’ति वुत्तकारणेन उय्योजिताय हत्थतो इतराय पटिग्गहोपि नत्थि. परिभोगपच्चयाति उय्योजिताय भोजनपरियोसानपच्चयाति अत्थो. मनुस्सपुरिसस्स अवस्सुतता, तं ञत्वा अननुञ्ञातकारणा उय्योजना, तेन इतरिस्सा गहेत्वा भोजनपरियोसानन्ति तीणि अङ्गानि.

छट्ठसङ्घादिसेससिक्खापदवण्णना निट्ठिता.

७०९-७२७. सत्तमतो यावदसमपरियोसानानि उत्तानानेव.

सङ्घादिसेसवण्णनानयो निट्ठितो.