१०. एसनावग्गो

१. एसनासुत्तवण्णना

१६१. कामानन्ति वत्थुकामकिलेसकामानं. किलेसकामोपि हि कामितन्ति परिकप्पितेन विधिना च अधिकरागेहि एसनीयो. भवानन्ति तिण्णं गतीनं. दिट्ठिगतिकपरिकप्पितस्स ब्रह्मचरियस्स निमित्तभावतो मिच्छादिट्ठि ‘‘ब्रह्मचरिय’’न्ति अधिप्पेता.

२-११. विधासुत्तादिवण्णना

१६२-१७१. सेय्योहमस्मीतिआदिना तंतंविभागेन धीयन्ति विधीयन्तीति विधा, मानकोट्ठासा, मानट्ठपना वा. नीहनन्तीति विबाधेन्ति.

एसनावग्गवण्णना निट्ठिता.