१-११. कायगतासतिसुत्तादिवण्णना

३६६-३७६. असङ्खतन्ति न सङ्खतं हेतुपच्चयेति. तेनाह ‘‘अकत’’न्ति. हितं एसन्तेनाति मेत्तायन्तेन. अनुकम्पमानेनाति करुणायन्तेन. उपादायाति आदियित्वाति अयमत्थोतिआह ‘‘चित्तेन परिग्गहेत्वा’’ति. अविपरीतधम्मदेसनाति अविपरीतधम्मस्स देसना, पटिपत्तिम्पि सावका विय गरुको भगवा. दायज्जं अत्तनो अधिट्ठितं निय्यातेति.

भिक्खासम्पत्तिकालादीनं सत्तन्नं सप्पायानं सम्पत्तिया लब्भनकाले. विपत्तिकाले पन एत्थ वुत्तविपरियायेन अत्थो वेदितब्बो. भारियन्ति दुक्खबहुलताय दारुणं. अम्हाकं सन्तिका लद्धब्बा. तुम्हाकं अनुसासनीति तुम्हाकं दातब्बा अनुसासनी.

कायगतासतिसुत्तादिवण्णना निट्ठिता.