१०. गिलानदस्सनसुत्तवण्णना

३५२. मत्तराजा नाम एको भुम्मदेवो भूताधिपति सुरापोतलरुक्खनिवासी. तेन वुत्तं ‘‘मत्तराजकाले’’ति. ‘‘ओसधितिणवनप्पतीसू’’ति वत्वा ते यथाक्कमं दस्सेन्तो ‘‘हरीतका…पे… रुक्खेसु चा’’ति आह. पत्थनावसेन चित्तं ठपेहि. समिज्झिस्सतीति यथाधिप्पायं समिज्झिस्सति. तेन हीति यस्मा तं देवापि आसन्नमरणं मञ्ञन्ति, तस्मा सा वरमेव भविस्सति, तं तुम्हाकं दीघरत्तं हिताय सुखाय भविस्सतीति अधिप्पायो.

गिलानदस्सनसुत्तवण्णना निट्ठिता.

चित्तसंयुत्तवण्णना निट्ठिता.