३. बलवग्गो

१. विसारदसुत्तवण्णना

३०४. रूपसम्पत्ति रूपबलं तंसमङ्गिनो उपत्थम्भकभावतो. एस नयो सेसेसुपि. बलानि हि सत्तानं वुड्ढिया उपत्थम्भकपच्चयो होति, यथा तं आहारो. तेनाह – ‘‘इमानी’’तिआदि.

विसारदसुत्तवण्णना निट्ठिता.

२-१०. पसय्हसुत्तादिवण्णना

३०५-३१३. अभिभवित्वा सब्बं अन्तोजनं सामिकञ्च. नासेन्तीति नासनं अदस्सनं नेन्ति नीहरन्तीति अत्थो.

पसय्हसुत्तादिवण्णना निट्ठिता.

मातुगामसंयुत्तवण्णना निट्ठिता.