१-२. मातुगामसुत्तादिवण्णना

२८०-२८१. अगुणङ्गेहीति अगुणकोट्ठासेहि. रूपयतीति रूपं, सरीररूपं. सरीररूपं पासंसं एतस्स अत्थीति रूपवा, तप्पटिक्खेपेन न च रूपवा, सम्पन्नरूपो न होतीति अत्थो. ञातिकुलतो अञ्ञतो वा आगताय भोगसम्पदाय अभावेन न भोगसम्पन्नो. दुस्सीलोति निस्सीलो. निस्सीलताय एव चस्सा पुब्बुट्ठायितादिआचाराभावो वुत्तो. आलसियोति आलसियताय युत्तो. पजञ्चस्स न लभतीति पजाभावसीसेन तस्सा परिवारहानि वुत्ता. परिवत्तेतब्बन्ति पुरिसवसेन परिवत्तेतब्बं.

मातुगामसुत्तादिवण्णना निट्ठिता.