४. ओक्खासुत्तवण्णना

२२६. महामुखउक्खलीनन्ति महामुखानं महन्तकोळुम्बानं सतं. पणीतभोजनभरितानन्ति सप्पिमधुसक्करादीहि उपनीतपणीतभोजनेहि परिपुण्णानं. तस्साति पाठस्स. गोदुहनमत्तन्ति गोदोहनवेलामत्तं. तं पन कित्तकं अधिप्पेतन्ति आह ‘‘गाविया’’तिआदि. सब्बसत्तेसु हितफरणन्ति अनोधिसोमेत्ताभावनमाह – मेत्तचित्तं अप्पनाप्पत्तं भावेतुं सक्कोतीति अधिप्पायो. तम्पि ततो यथावुत्तदानतो महप्फलतरन्ति.

ओक्खासुत्तवण्णना निट्ठिता.