५. ओकिलिनीसुत्तवण्णना

२१६. उद्धं उद्धं अग्गिना पक्कसरीरताय उप्पक्कं. हेट्ठतो पग्घरणवसेन किलिन्नसरीरताय ओकिलिनी. इतो चितो च अङ्गारसम्परिकिण्णताय ओकिरिनी. तेनाह ‘‘सा किरा’’तिआदि. अङ्गारचितकेति अङ्गारसञ्चये. सरीरतो पग्घरन्ति असुचिदुग्गन्धजेगुच्छानि सेदगतानि. तस्स किर रञ्ञोति तस्स कालिङ्गस्स रञ्ञो. नाटकिनीति नच्चे अधिकता इत्थी. सेदन्ति सेदनं, तापनन्ति अत्थो.

ओकिलिनीसुत्तवण्णना निट्ठिता.