३-४. कुम्मसुत्तादिवण्णना

१५९-१६०. अट्ठिकच्छपा वुच्चन्ति येसं कपालमत्थके तिखिणा अट्ठिकोटि होति, तेसं समूहो अट्ठिकच्छपकुलं. मच्छकच्छपादीनं सरीरे लम्बन्ती पपततीति पपता, वुच्चमानाकारो अयकण्टको. अयकोसकेति अयोमयकोसके. कण्णिकसल्लसण्ठानोति अत्तनिकापनसल्लसण्ठानो. अयकण्टकोति अयोमयवङ्ककण्टको. निक्खमति एत्थ अथावरतो. पवेसितमत्तो हि सो. इदानि त्वं ‘‘अम्हाक’’न्ति न वत्तब्बो. इतो अनन्तरसुत्तेति चतुत्थसुत्तमाह.

कुम्मसुत्तादिवण्णना निट्ठिता.