११. अकुसलवितक्कसुत्तवण्णना

२३१. अकुसले वितक्केति अकोसल्लसम्भूतट्ठेन अकुसले मिच्छावितक्के. योनि वुच्चति उपायो, तस्मा असुभादिके सुभादिवसेन मनसिकारो अयोनिसोमनसिकारोति आह ‘‘अनुपायमनसिकारेना’’ति. पासादिककम्मट्ठानन्ति पसादावहं बुद्धानुस्सतिआदिकम्मट्ठानं. बलवपीतिञ्च सुखञ्चाति नीवरणविक्खम्भनतो बलवन्तं उपचारज्झानसहगतं पीतिञ्च सुखञ्च.

अकुसलवितक्कसुत्तवण्णना निट्ठिता.