५. उप्पलवण्णासुत्तवण्णना

१६६. अग्गतो पट्ठायाति सब्बअग्गतो पभुति याव मूला अन्तरायुत्तं सम्मदेव पुप्फितं सालरुक्खं. वण्णधातुसीसेन वण्णधातुसम्पन्नं दुतियं भिक्खुनिं वदतीति आह ‘‘तया सदिसा अञ्ञा भिक्खुनी नत्थी’’ति. पखुमसीसेन अक्खिभण्डं वुच्चतीति आह ‘‘पखुमन्तरिकायन्ति द्विन्नं अक्खीनं मज्झे’’ति. नासवंसेति नासवंसमूले. ‘‘न पस्ससी’’ति वत्वा अदस्सने कारणं आह ‘‘वसीभूतम्ही’’ति.

उप्पलवण्णासुत्तवण्णना निट्ठिता.