७. निसीदनसिक्खापदवण्णना

किञ्चापि निसीदनस्स जाति न दिस्सति एत्थ, तथापि चीवरक्खन्धके अनुञ्ञातत्ता, ‘‘नव चीवरानि अधिट्ठातब्बानी’’ति एत्थ च परियापन्नत्ता चीवरजाति एवस्स जातीति वेदितब्बं. ‘‘लाभे सदसं, अलाभे अदसम्पि वट्टती’’ति एके, तं न युत्तं ‘‘निसीदनं नाम सदसं वुच्चती’’ति (पाचि. ५३१-५३२) तस्स सण्ठाननियमनतो.

निसीदनसिक्खापदवण्णना निट्ठिता.

रतनवग्गो नवमो.

सुद्धपाचित्तियवण्णना निट्ठिता.