२. सप्पाणकसिक्खापदवण्णना

सप्पाणकन्ति पाणकानं मरणवसेन पाचित्तियं, न सप्पाणकउदकपरिभोगवसेन पाचित्तियं, तस्मा एव ‘‘पण्णत्तिवज्ज’’न्ति वुत्तं. असुद्धचित्तत्ता पाचित्तियं, सुद्धचित्ते अनापत्ति. पदीपुज्जलने विय पण्णत्तिवज्जता वुत्ताति लिखितं.

जले पक्खिपनं पुब्बं, जलप्पवेसनं इदं;

एवं उभिन्नं नानात्तं, ञेय्यं ञाणवता सदाति. (वजिर. टी. पाचित्तिय ३८७)

सप्पाणकसिक्खापदवण्णना निट्ठिता.