२. दुतियानियतसिक्खापदवण्णना

सङ्घादिसेसेन वाति कायसंसग्गदुट्ठुल्लोभासनेन. तस्मा एवं कायसंसग्गवारो पाळियम्पि वुत्तो. अनन्धो अबधिरोति अनन्धो कायसंसग्गं पस्सति, अबधिरो दुट्ठुल्लं सुणाति, तस्मा एव अदिन्नादानसदिसानेवाति वुत्त’’न्ति लिखितं. एत्थ च कायवाचाचित्ततो समुट्ठानं कथन्ति चे? कायसंसग्गञ्हि समापज्जन्तो दुट्ठुल्लम्पि भणति, दुट्ठुल्लं भणन्तो निसीदति चाति सम्भवति, दुट्ठुल्लमेव वा सन्धाय वुत्तं. तञ्हि अदिन्नादानसमुट्ठानन्ति.

यो देसनं सब्बविदूपमोव;

नानानयाकारविचित्तभेदं;

ञातुं उपायान मनो सतिमा;

तं लाभहेतुं न करोति पुञ्ञन्ति.

दुतियानियतसिक्खापदवण्णना निट्ठिता.

अनियतवण्णना निट्ठिता.