११. गरुपावुरणसिक्खापदवण्णना

यस्मा पवारितट्ठाने विञ्ञत्ति नाम न पटिसेधेतब्बा, तस्मा भगवा धम्मनिमन्तनवसेन पवारितट्ठाने ‘‘वदेथाय्ये, येनत्थो’’ति (सारत्थ. टी. पाचित्तिय ३.७८४) वुत्ताय चतुक्कंसपरमं विञ्ञापेतब्बन्ति परिच्छेदं दस्सेतीति वेदितब्बं. तेनेव ‘‘चेतापेतब्बन्ति ठपेत्वा सहधम्मिके च ञातकप्पवारिते च अञ्ञेन किस्मिञ्चिदेव गुणे परितुट्ठेन ‘वदेथाय्ये, येनत्थो’ति वुत्ताय विञ्ञापेतब्ब’’न्ति वुत्तं. राजानन्ति पसेनदिकोसलराजानं.

गरुपावुरणसिक्खापदवण्णना निट्ठिता.