२. अकालचीवरसिक्खापदवण्णना

यं अत्तना लद्धं, तं निस्सग्गियं होतीति यं चीवरं भाजापिताय अत्तना लद्धं, तमेव निस्सग्गियं होति, तं विनयकम्मं कत्वापि अत्तना न लब्भति. तेनाह ‘‘निस्सट्ठ’’न्तिआदि. तत्थ निस्सट्ठं पटिलभित्वापीति ‘‘अय्याय, दम्मी’’ति एवं निस्सट्ठं पटिलभित्वापि. यथादानेयेव उपनेतब्बन्ति यथा दायकेहि दिन्नं, तथेव उपनेतब्बं, अकालचीवरपक्खेयेव ठपेतब्बन्ति वुत्तं होति.

अकालचीवरसिक्खापदवण्णना निट्ठिता.