साधारणपाराजिकं

१. मेथुनधम्मसिक्खापदवण्णना

अभिलापमत्तन्ति वचनमत्तं, न अत्थोति अधिप्पायो. लिङ्गभेदमत्तन्ति पुरिसलिङ्गं इत्थिलिङ्गन्ति विसेसमत्तं. विसेसोति नानात्तं. छन्देन चेवाति पेमेन चेव, सिनेहेन चेवाति अत्थो. रुचिया चाति इच्छाय च. पधंसितायाति दूसिताय. परिपुण्णा उपसम्पदा यस्सा सा परिपुण्णूपसम्पदा, उभतोसङ्घेन उपसम्पन्नाति अत्थो.

मेथुनधम्मसिक्खापदवण्णना निट्ठिता.