४१-४२. अनाहटसिक्खापदवण्णना

सकलं हत्थन्ति सकला अङ्गुलियो. हत्थसद्दो चेत्थ तदेकदेसेसु अङ्गुलीसु दट्ठब्बो ‘‘हत्थमुद्दा’’तिआदीसु विय. एवञ्च कत्वा सब्बग्गहणं समत्थितं होति. अञ्ञथा सकलं हत्थं मुखे पवेसेतुमसक्कुणेय्यत्ता सब्बग्गहणमसमत्थितमेव सिया. समुदाये पवत्तस्स च वोहारस्स अवयवेपि पवत्तनतो एकङ्गुलिम्पि ततो एकदेसम्पि मुखे पक्खिपितुं न वट्टति.

अनाहटसिक्खापदवण्णना निट्ठिता.