९. दुतियउपक्खटसिक्खापदवण्णना

नवमे इमिनाव नयेन अत्थो वेदितब्बो. इदञ्हि पुरिमस्स अनुपञ्ञत्तिसदिसं, केवलं तत्थ एकस्स पीळा कता, इध द्विन्नं, अयमेत्थ विसेसो, सेसं सब्बं पुरिमसदिसमेव. यथा च द्विन्नं, एवं बहूनं पीळं कत्वा गण्हतोपि आपत्ति वेदितब्बा. निस्सज्जनविधाने च ‘‘इदं मे, भन्ते, चीवरं पुब्बे अप्पवारिते अञ्ञातके गहपतिके उपसङ्कमित्वा विकप्पं आपन्नं निस्सग्गिय’’न्ति (पारा. ५३४) इमिना नयेन वचनभेदो ञातब्बोति.

दुतियउपक्खटसिक्खापदवण्णना निट्ठिता.