२. दुतियानियतसिक्खापदवण्णना

दुतिये इत्थीपि पुरिसोपि यो कोचि विञ्ञू अनन्धो अबधिरो अन्तोद्वादसहत्थे ओकासे ठितो वा निसिन्नो वा विक्खित्तोपि निद्दायन्तोपि अनापत्तिं करोति. बधिरो पन चक्खुमापि, अन्धो वा अबधिरोपि न करोति. पाराजिकापत्तिञ्च परिहापेत्वा दुट्ठुल्लवाचापत्ति वुत्ताति अयं विसेसो. सेसं पुरिमनयेनेव वेदितब्बं. समुट्ठानादीनि पनेत्थ अदिन्नादानसदिसानेवाति.

दुतियानियतसिक्खापदवण्णना निट्ठिता.

उद्दिट्ठा खोतिआदि सब्बत्थ वुत्तनयेनेव वेदितब्बं.

कङ्खावितरणिया पातिमोक्खवण्णनाय

अनियतवण्णना निट्ठिता.