१०. पुग्गलिकचेतापनसिक्खापदवण्णना

दसमे पुग्गलिकेनाति एकभिक्खुनिया परिच्चत्तेन. सञ्ञाचिकेनाति सयं याचितकेन च. अञ्ञं चेतापेय्याति यं उद्दिसित्वा दिन्नं, ततो अञ्ञं चेतापेन्तिया पयोगे दुक्कटं, पटिलाभेन निस्सग्गियं होति.

सावत्थियं थुल्लनन्दं आरब्भ तादिसेन परिक्खारेन अञ्ञं चेतापनवत्थुस्मिं पञ्ञत्तं, सेसं छट्ठसदिसमेवाति.

पुग्गलिकचेतापनसिक्खापदवण्णना निट्ठिता.

पत्तवग्गो पठमो.