३. पञ्हपुच्छकवण्णना

१५०. तं तं समुदायन्ति तं तं चित्तुप्पादसङ्खातधम्मसमुदायं, अनवसेसरूपधम्मसमुदायञ्च. यथासम्भवन्ति चोपनं पत्तो संवरो छट्ठद्वारे, इतरो छसुपीति एवं यथासम्भवं. ततोति अभिज्झादोमनस्सादितो. यथायोगन्ति यो संवरितब्बो, तदनुरूपं.

कत्थचीति ते एव परिवट्टे सामञ्ञेन वदति. कत्थचीति वा तेसु परिवट्टेसु किस्मिञ्चिपि पदेसे. किञ्चिपि अप्पकम्पि. एकोव परिच्छेदो, न आयतनविभङ्गादीसु विय नानाति अधिप्पायो.

पञ्हपुच्छकवण्णना निट्ठिता.

खन्धविभङ्गवण्णना निट्ठिता.