१०. उप्पन्नुप्पादवारो

यस्स यं चित्तं उप्पन्नं, तस्स तं चित्तं उप्पज्जित्थ. यस्स वा पन यं चित्तं उप्पज्जित्थ, तस्स तं चित्तं उप्पन्नं.

यस्स यं चित्तं न उप्पन्नं, तस्स तं चित्तं न उप्पज्जित्थ. यस्स वा पन यं चित्तं न उप्पज्जित्थ, तस्स तं चित्तं न उप्पन्नं.

यस्स यं चित्तं उप्पन्नं, तस्स तं चित्तं उप्पज्जिस्सति. यस्स वा पन यं चित्तं उप्पज्जिस्सति, तस्स तं चित्तं उप्पन्नं.

यस्स यं चित्तं न उप्पन्नं, तस्स तं चित्तं न उप्पज्जिस्सति, यस्स वा पन यं चित्तं न उप्पज्जिस्सति, तस्स तं चित्तं न उप्पन्नं.