१. उप्पादनिरोधकालसम्भेदवारो

यस्स चित्तं उप्पज्जति न निरुज्झति (यम. २.चित्तयमक.१ आदयो), तस्स चित्तं निरुज्झिस्सति न उप्पज्जिस्सति. यस्स वा पन चित्तं निरुज्झिस्सति न उप्पज्जिस्सति, तस्स चित्तं उप्पज्जति न निरुज्झति.

यस्स चित्तं न उप्पज्जति निरुज्झति, तस्स चित्तं न निरुज्झिस्सति उप्पज्जिस्सति. यस्स वा पन चित्तं न निरुज्झिस्सति उप्पज्जिस्सति, तस्स चित्तं न उप्पज्जति निरुज्झति.