१०. दुतियउप्पादसुत्तं

५३०. ‘‘पञ्चिमानि, भिक्खवे, इन्द्रियानि भावितानि बहुलीकतानि अनुप्पन्नानि उप्पज्जन्ति, नाञ्ञत्र सुगतविनया. कतमानि पञ्च? सद्धिन्द्रियं, वीरियिन्द्रियं, सतिन्द्रियं, समाधिन्द्रियं, पञ्ञिन्द्रियं – इमानि खो, भिक्खवे, पञ्चिन्द्रियानि भावितानि बहुलीकतानि अनुप्पन्नानि उप्पज्जन्ति, नाञ्ञत्र सुगतविनया’’ति. दसमं.

सूकरखतवग्गो छट्ठो.

तस्सुद्दानं –

सालं मल्लिकं सेखो च, पदं सारं पतिट्ठितं;

ब्रह्मसूकरखतायो, उप्पादा अपरे दुवेति.