१०. आसवक्खयसुत्तं

९९६. आसवानं खयाय संवत्तति. कथं भावितो च, भिक्खवे, आनापानस्सतिसमाधि कथं बहुलीकतो संयोजनप्पहानाय संवत्तति… अनुसयसमुग्घाताय संवत्तति… अद्धानपरिञ्ञाय संवत्तति… आसवानं खयाय संवत्तति? इध, भिक्खवे, भिक्खु अरञ्ञगतो वा रुक्खमूलगतो वा…पे. … पटिनिस्सग्गानुपस्सी अस्ससिस्सामीति सिक्खति, पटिनिस्सग्गानुपस्सी पस्ससिस्सामीति सिक्खति. एवं भावितो खो, भिक्खवे, आनापानस्सतिसमाधि एवं बहुलीकतो संयोजनप्पहानाय संवत्तति…पे… अनुसयसमुग्घाताय संवत्तति…पे… अद्धानपरिञ्ञाय संवत्तति…पे… आसवानं खयाय संवत्ततीति. दसमं.

दुतियो वग्गो.

तस्सुद्दानं –

इच्छानङ्गलं कङ्खेय्यं, आनन्दा अपरे दुवे;

भिक्खू संयोजनानुसया, अद्धानं आसवक्खयन्ति.

आनापानसंयुत्तं दसमं.