५३-५४. सक्कच्चमूलकसातच्चकारीसुत्तादिदुकं

७१४. सावत्थिनिदानं … ‘‘समाधिस्मिं सक्कच्चकारी होति, न समाधिस्मिं सातच्चकारी… समाधिस्मिं सातच्चकारी होति, न समाधिस्मिं सक्कच्चकारी … नेव समाधिस्मिं सक्कच्चकारी होति, न च समाधिस्मिं सातच्चकारी… समाधिस्मिं सक्कच्चकारी च होति, समाधिस्मिं सातच्चकारी च. तत्र, भिक्खवे, य्वायं…पे… उत्तमो च पवरो चा’’ति. तेपञ्ञासमं.

७१५. समाधिस्मिं सक्कच्चकारी होति, न समाधिस्मिं सप्पायकारी…पे…. चतुपञ्ञासमं.