३५-४०. कल्लितमूलकआरम्मणसुत्तादिछक्कं

६९६-७०१. सावत्थिनिदानं … ‘‘समाधिस्मिं कल्लितकुसलो होति, न समाधिस्मिं आरम्मणकुसलो… समाधिस्मिं आरम्मणकुसलो होति, न समाधिस्मिं कल्लितकुसलो… नेव समाधिस्मिं कल्लितकुसलो होति, न च समाधिस्मिं आरम्मणकुसलो… समाधिस्मिं कल्लितकुसलो च होति, समाधिस्मिं आरम्मणकुसलो च. तत्र, भिक्खवे, य्वायं झायी…पे… उत्तमो च पवरो चा’’ति. पञ्चतिंसतिमं. (पुरिममूलकानि विय याव चत्तालीसमा कल्लितमूलकसप्पायकारीसुत्ता छ सुत्तानि पूरेतब्बानि. कल्लितमूलकं.)