४. कुमारपञ्हा

१. ‘‘एकं नाम किं’’? ‘‘सब्बे सत्ता आहारट्ठितिका’’.

२. ‘‘द्वे नाम किं’’? ‘‘नामञ्च रूपञ्च’’.

३. ‘‘तीणि नाम किं’’? ‘‘तिस्सो वेदना’’.

४. ‘‘चत्तारि नाम किं’’? ‘‘चत्तारि अरियसच्चानि’’.

५. ‘‘पञ्च नाम किं’’? ‘‘पञ्चुपादानक्खन्धा’’.

६. ‘‘छ नाम किं’’? ‘‘छ अज्झत्तिकानि आयतनानि’’.

७. ‘‘सत्त नाम किं’’? ‘‘सत्त बोज्झङ्गा’’.

८. ‘‘अट्ठ नाम किं’’? ‘‘अरियो अट्ठङ्गिको मग्गो’’.

९. ‘‘नव नाम किं’’? ‘‘नव सत्तावासा’’.

१०. ‘‘दस नाम किं’’? ‘‘दसहङ्गेहि समन्नागतो ‘अरहा’ति वुच्चती’’ति.

कुमारपञ्हा निट्ठिता.