३. कोसम्बफलियत्थेरअपदानं

१२. ‘‘ककुधं विलसन्तंव, देवदेवं नरासभं;

रथियं पटिपज्जन्तं, कोसम्बं [कोसुम्बं (सी. स्या. पी.)] अददिं तदा.

१३. ‘‘एकतिंसे इतो कप्पे, यं फलं अददिं तदा;

दुग्गतिं नाभिजानामि, फलदानस्सिदं फलं.

१४. ‘‘किलेसा झापिता मय्हं…पे… विहरामि अनासवो.

१५. ‘‘स्वागतं वत मे आसि…पे… कतं बुद्धस्स सासनं.

१६. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा कोसम्बफलियो थेरो इमा गाथायो

अभासित्थाति.

कोसम्बफलियत्थेरस्सापदानं ततियं.