८. अमोदफलियत्थेरअपदानं

८०. ‘‘सुवण्णवण्णं सम्बुद्धं, आहुतीनं पटिग्गहं;

रथियं पटिपज्जन्तं, अमोदमददिं फलं.

८१. ‘‘एकनवुतितो कप्पे, यं फलं अददिं तदा;

दुग्गतिं नाभिजानामि, फलदानस्सिदं फलं.

८२. ‘‘किलेसा झापिता मय्हं…पे… विहरामि अनासवो.

८३. ‘‘स्वागतं वत मे आसि…पे… कतं बुद्धस्स सासनं.

८४. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा अमोदफलियो थेरो इमा गाथायो

अभासित्थाति.

अमोदफलियत्थेरस्सापदानं अट्ठमं.