३. कासुमारफलियत्थेरअपदानं

५१. ‘‘कणिकारंव जोतन्तं, निसिन्नं पब्बतन्तरे;

अद्दसं विरजं बुद्धं, लोकजेट्ठं नरासभं.

५२. ‘‘पसन्नचित्तो सुमनो, सिरे कत्वान अञ्जलिं;

कासुमारिकमादाय, बुद्धसेट्ठस्सदासहं.

५३. ‘‘एकतिंसे इतो कप्पे, यं फलं अददिं तदा;

दुग्गतिं नाभिजानामि, फलदानस्सिदं फलं.

५४. ‘‘किलेसा झापिता मय्हं…पे… विहरामि अनासवो.

५५. ‘‘स्वागतं वत मे आसि…पे… कतं बुद्धस्स सासनं.

५६. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा कासुमारफलियो थेरो इमा गाथायो

अभासित्थाति.

कासुमारफलियत्थेरस्सापदानं ततियं.