७. गिरिपुन्नागियत्थेरअपदानं

६१. ‘‘सोभितो नाम सम्बुद्धो, चित्तकूटे वसी तदा;

गहेत्वा गिरिपुन्नागं, सयम्भुं अभिपूजयिं.

६२. ‘‘चतुन्नवुतितो कप्पे, यं बुद्धमभिपूजयिं;

दुग्गतिं नाभिजानामि, बुद्धपूजायिदं फलं.

६३. ‘‘किलेसा झापिता मय्हं…पे… विहरामि अनासवो.

६४. ‘‘स्वागतं वत मे आसि…पे… कतं बुद्धस्स सासनं.

६५. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा गिरिपुन्नागियो थेरो इमा गाथायो

अभासित्थाति.

गिरिपुन्नागियत्थेरस्सापदानं सत्तमं.