८. पिलक्खफलदायकत्थेरअपदानं

४०. ‘‘वनन्तरे बुद्धं दिस्वा [वनन्ते बुद्धं दिस्वान (सी. पी.)], अत्थदस्सिं महायसं;

पसन्नचित्तो सुमनो, पिलक्खस्स [पिलक्खुस्स (पी.)] फलं अदा.

४१. ‘‘अट्ठारसे कप्पसते, यं फलं अददिं तदा;

दुग्गतिं नाभिजानामि, फलदानस्सिदं फलं.

४२. ‘‘किलेसा झापिता मय्हं…पे… विहरामि अनासवो.

४३. ‘‘स्वागतं वत मे आसि…पे… कतं बुद्धस्स सासनं.

४४. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा पिलक्खफलदायको थेरो इमा

गाथायो अभासित्थाति.

पिलक्खफलदायकत्थेरस्सापदानं अट्ठमं.