९. पट्टिपुप्फियत्थेरअपदानं

५८. ‘‘नीहरन्ते सरीरम्हि, वज्जमानासु भेरिसु;

पसन्नचित्तो सुमनो, पट्टिपुप्फमपूजयिं [सत्ति… (स्या. पी.)].

५९. ‘‘सतसहस्सितो कप्पे, यं पुप्फमभिपूजयिं;

दुग्गतिं नाभिजानामि, देहपूजायिदं फलं.

६०. ‘‘किलेसा झापिता मय्हं…पे… विहरामि अनासवो.

६१. ‘‘स्वागतं वत मे आसि…पे… कतं बुद्धस्स सासनं.

६२. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा पट्टिपुप्फियो [सत्तिपण्णियो (स्या. पी.)] थेरो इमा गाथायो

अभासित्थाति.

पट्टिपुप्फियत्थेरस्सापदानं नवमं.