४. पिलक्खफलदायकत्थेरअपदानं

२१. ‘‘वनन्तरे बुद्धं दिस्वा, अत्थदस्सिं महायसं;

पसन्नचित्तो सुमनो, पिलक्खस्साददिं फलं [पिलक्खस्स फलं अदं (सी.), पिलक्खुस्स फलं अदं (स्या.)].

२२. ‘‘अट्ठारसे कप्पसते, यं फलमददिं तदा;

दुग्गतिं नाभिजानामि, फलदानस्सिदं फलं.

२३. ‘‘किलेसा झापिता मय्हं…पे… विहरामि अनासवो.

२४. ‘‘स्वागतं वत मे आसि…पे… कतं बुद्धस्स सासनं.

२५. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा पिलक्खफलदायको थेरो इमा गाथायो अभासित्थाति.

पिलक्खफलदायकत्थेरस्सापदानं चतुत्थं.