७. चितकपूजकत्थेरअपदानं

३८. ‘‘परिनिब्बुते भगवति, जलजुत्तमनामके;

आरोपितम्हि चितके, सालपुप्फमपूजयिं.

३९. ‘‘सतसहस्सितो कप्पे, यं पुप्फमभिपूजयिं;

दुग्गतिं नाभिजानामि, चितपूजायिदं फलं.

४०. ‘‘किलेसा झापिता मय्हं…पे… विहरामि अनासवो.

४१. ‘‘स्वागतं वत मे आसि…पे… कतं बुद्धस्स सासनं.

४२. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा चितकपूजको थेरो इमा गाथायो अभासित्थाति.

चितकपूजकत्थेरस्सापदानं सत्तमं.