१०. कासुमारिफलदायकत्थेरअपदानं

५३. ‘‘कणिकारंव जोतन्तं, निसिन्नं पब्बतन्तरे;

अद्दसं विरजं बुद्धं, लोकजेट्ठं नरासभं.

५४. ‘‘पसन्नचित्तो सुमनो, सिरे कत्वान अञ्जलिं;

कासुमारिफलं गय्ह, बुद्धसेट्ठस्सदासहं.

५५. ‘‘एकत्तिंसे इतो कप्पे, यं फलमददिं अहं;

दुग्गतिं नाभिजानामि, फलदानस्सिदं फलं.

५६. ‘‘किलेसा झापिता मय्हं…पे… विहरामि अनासवो.

५७. ‘‘स्वागतं वत मे आसि…पे… कतं बुद्धस्स सासनं.

५८. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा कासुमारिफलदायको थेरो इमा गाथायो अभासित्थाति.

कासुमारिफलदायकत्थेरस्सापदानं दसमं.

बोधिवन्दनवग्गो अट्ठतिंसतिमो.