३. गतसञ्ञकत्थेरअपदानं

१०. ‘‘आकासेव पदं नत्थि, अम्बरे अनिलञ्जसे;

सिद्धत्थं जिनमद्दक्खिं, गच्छन्तं तिदिवङ्गणे [तिदिवङ्गणं (स्या. क.)].

११. ‘‘अनिलेनेरितं दिस्वा, सम्मासम्बुद्धचीवरं;

वित्ति ममाहु तावदे [वित्ति मे पाहुणा ताव (स्या.), वित्ति मे तावदे जाता (सी.)], दिस्वान गमनं मुनिं [मुने (सी.)].

१२. ‘‘चतुन्नवुतितो कप्पे, यं सञ्ञमलभिं तदा;

दुग्गतिं नाभिजानामि, बुद्धसञ्ञायिदं फलं.

१३. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा गतसञ्ञको थेरो इमा गाथायो अभासित्थाति.

गतसञ्ञकत्थेरस्सापदानं ततियं.