२. तेलमक्खियत्थेरअपदानं

६. ‘‘सिद्धत्थम्हि भगवति, निब्बुतम्हि नरासभे;

बोधिया वेदिकायाहं, तेलं मक्खेसि तावदे.

७. ‘‘चतुन्नवुतितो कप्पे, यं तेलं मक्खयिं तदा;

दुग्गतिं नाभिजानामि, मक्खनाय इदं फलं.

८. ‘‘चतुवीसे इतो कप्पे, सुच्छवि नाम खत्तियो;

सत्तरतनसम्पन्नो, चक्कवत्ती महब्बलो.

९. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा तेलमक्खियो थेरो इमा गाथायो अभासित्थाति.

तेलमक्खियत्थेरस्सापदानं दुतियं.