९. कुटिदायकत्थेरअपदानं

३३. ‘‘विपिनचारी सम्बुद्धो, रुक्खमूले वसी तदा;

पण्णसालं करित्वान, अदासिं अपराजिते.

३४. ‘‘एकनवुतितो कप्पे, यं पण्णकुटिकं अदं;

दुग्गतिं नाभिजानामि, कुटिदानस्सिदं फलं.

३५. ‘‘अट्ठवीसे [अट्ठतिंसे (स्या.)] इतो कप्पे, सोळसासिंसु राजानो;

सब्बत्थ अभिवस्सीति, वुच्चरे चक्कवत्तिनो.

३६. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा कुटिदायको थेरो इमा गाथायो अभासित्थाति.

कुटिदायकत्थेरस्सापदानं नवमं.