७. एकदीपियत्थेरअपदानं

३०. ‘‘पदुमुत्तरस्स मुनिनो, सळले बोधिमुत्तमे;

पसन्नचित्तो सुमनो, एकदीपं अदासहं.

३१. ‘‘भवे निब्बत्तमानम्हि, निब्बत्ते पुञ्ञसञ्चये;

दुग्गतिं नाभिजानामि, दीपदानस्सिदं फलं.

३२. ‘‘सोळसे कप्पसहस्से, इतो ते चतुरो जना;

चन्दाभा नाम नामेन, चक्कवत्ती महब्बला.

३३. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा एकदीपियो थेरो इमा गाथायो अभासित्थाति.

एकदीपियत्थेरस्सापदानं सत्तमं.

नवमं भाणवारं.