१०. सङ्घुपट्ठाकत्थेरअपदानं

४५. ‘‘वेस्सभुम्हि भगवति, अहोसारामिको अहं;

पसन्नचित्तो सुमनो, उपट्ठिं सङ्घमुत्तमं.

४६. ‘‘एकत्तिंसे इतो कप्पे, यं कम्ममकरिं तदा;

दुग्गतिं नाभिजानामि, उपट्ठानस्सिदं फलं.

४७. ‘‘इतो ते सत्तमे कप्पे, सत्तेवासुं समोदका;

सत्तरतनसम्पन्ना, चक्कवत्ती महब्बला.

४८. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा सङ्घुपट्ठाको थेरो इमा गाथायो अभासित्थाति.

सङ्घुपट्ठाकत्थेरस्सापदानं दसमं.

कुमुदवग्गो अट्ठारसमो.