६. सप्पिदायकत्थेरअपदानं

२८. ‘‘फुस्सो नामासि [नामाथ (सी.)] भगवा, आहुतीनं पटिग्गहो;

गच्छते वीथियं वीरो, निब्बापेन्तो महाजनं.

२९. ‘‘अनुपुब्बेन भगवा, आगच्छि मम सन्तिकं;

ततो तं [ततोहं (सी. स्या.)] पत्तं पग्गय्ह, सप्पितेलमदासहं.

३०. ‘‘द्वेनवुते इतो कप्पे, यं सप्पिमददिं तदा;

दुग्गतिं नाभिजानामि, सप्पिदानस्सिदं फलं.

३१. ‘‘छप्पञ्ञासे इतो कप्पे, एको आसि समोदको;

सत्तरतनसम्पन्नो, चक्कवत्ती महब्बलो.

३२. ‘‘पटिसम्भिदा चतस्सो…पे… कतं बुद्धस्स सासनं’’.

इत्थं सुदं आयस्मा सप्पिदायको थेरो इमा गाथायो अभासित्थाति.

सप्पिदायकत्थेरस्सापदानं छट्ठं.